Snart midt i julemånaden!

Andre søndag i desember er passert, og jula nærmar seg meir enn nokon gong før i vinter. No er det faktisk kvit vinter utanfor, som har fått ligga i ei lita veke - til glede for akande ungar. Men no er det kvite teppet i ferd med å renna vekk att, så det spøker kanskje litt for kvit jul.. Her i huset har me snørra ein del siste vekene, både før og etter ein Bergenstur første helga i desember. Då tok me caravellen og svippa innom IKEA likegodt ! Det var Ingvill sin tur å få shina opp rommet, som no etter denne innsatsen har blitt eit ungpikerom, og ikkje lenger er  "ei lita jente" sitt rom... Leiker og klede fekk gjennomgå, dvs vart sortert i "gi bort", "kast" og "gøym". Bra innsats, og bra resultat. Litt av hensikta var og å få plassert utdragssenga til Thea Marie der, som ho etterkvart skal få flytta inn i. Ingvill har eit stooort rom, som ho nok må dela med veslesøster inntil andre lure idear dukkar opp ;-) Men, Bergensturen, ja, det gikk greit det! Me fekk stabla inn i bilen hyller, tv-benk og bord, m.m. og jentene hjelpte godt til med mini-søster og som sherpa.. Ein kar eg møtte inne mellom alle flatpakkane eg gikk og plukka lurte på utprega bergensk på om eg hadde kjøpt inn nok raudvin til å setja saman alt dette då ? :-)) Me budde hjå tante Ingunn og Co, og var ein tur til sentrum og julepynta handlegater dagen etter.
I desse tider er det litt som skjer med avslutningar og julefestar innimellom julehandel og baking og slikt..., så det er igrunn ikkje problem med å få dagen til å gå, og godt er det!

Langt frå alt på stell enda, men det som er heilt sikkert er at jula den kjem - så den saken er grei! :-)

God førejulstid der ute!

Våre tre gulljenter! 

Tida går, og Thea Marie står!

Rima og det gitt ;-) Rett nok med støtte, ho reiser seg opp etter alt muleg og umuleg, og har oppdaga eit heilt nytt "univers" tilgjengeleg for seg... No er borda avduka og det me er mest redd for flytta oppover i høgda :-) Elles krabbar ho rundt overalt, dørstokkar inga hindring lenger. Mamma og minsta held seg stort sett i og kring heimen om dagen, om me ikkje fartar på handel eller på besøk rundt om. Har det ganske greit med det tilveret no :-). Me testar av og til ut nye kokeoppskrifter (som vaniljepudding - som eg aldri før har prøvd meg på, men som vart god og såg bra ut på andre forsøk! - Første drukna i vannbadet...ikkje spør!) Carlos og kompisen sine julekuler er i produksjon her om kveldane, og me førebur så smått 14-års feiring og jul (!). Ja, det må vera lov å gleda seg litt no, ikkje så lenge att før adventstida. I dag er dei to største jentene og venninner med far sin på danseforestilling i Sogndal, så eldste og yngste jente er heime og fyrer i omnen og lagar julegåvelister og kva-skal-me-baka-til-jul-ønskeliste, og oppdaterer blogg. Elles sysslar me litt på si med eit Lustramat prosjekt, og litt bygdeutvikling.... Litt må me finna på utanom bleieskift og "husmorting". Eg har forresten nett sett på kallendaren og funne ut at eg er ferdig med den løna permisjonen min (er no inne i ferievekene), og frå midten av des. er far i huset heime i sin del av permisjonen, medan eg vert i området med permisjon utan løn... Då blir det sikkert knekkebrød og vatn, gitt ;-) Nei, trur det skal gå fint. Har ikkje lyst at Thea Marie skal inn i barnehagen før ho er eitt år (og kanskje ikkje kan gå..), så det vert til hausten att, er planen. No har den blå-grå regjeringa foreslått å auka kontantstøtta med 1000,- i mnd. og! Ikkje så gale at det ikkje er godt for noko seier no eg. Kom brått på at me visstnok har konfirmant til våren og! Om ca. 1/2 år! Hu-hei kor det går, men det går nok fint. Ordnar seg alltid for kjekke jenter, seiest det ;-) Ha ei fin-fin veke der ute!

Vesle solstrålen vår!

God "Ryddehjelp" på kjøkkenet, i kildesorteringsavd.

Me var på bokbåtkafe på Fjordatunet, etter at Bokbåten hadde besøkt Kroken

På shopping i Sogndal fann TM seg eit godt utsiktspunkt frå ein kafe me var på

Søskenbarn Torje feira 3 årsdag med pølser, pizzasnurrar kakeselskap!

Besten fekk låna kruna til Torje, og ein ballong

Og me veks og utviklar oss!

Medan nokon mest veks...., er det like mykje utvikling å sjå hjå andre i familien. Og då siktar eg først og fremst til minstejenta, som stadig syner nye ting ho kan og forstår. No klappar ho i hendene, vinkar, ristar på hovudet, krabbar, reiser seg delvis opp etter små krakkar og stolar og ho har i høgste grad personlegheit! Ho vert fornerma når livet går ho imot, og ho syner stor glede ved gjensyn av søstre etter ein skuledag og ho er litt lur innimellom ;-) Ikkje lange sovetidene på dagen lenger (av og til berre ein 20-30 min.!) Søskenbarna sine små kattungar er veldig spennande, så dei krabbar ho etter i ein viss fart og prøver å få fatt i. Storesøstrene har div. prosjekt om dagane, og sist natt etter turn i Sogndal overnatta Ingvill og papsen i båten i Gaupne. Største søster har starta konfirmasjonsførebuingar, og skal på ulike samlingar og møte framover. Og, som eg las på facebook her om dagen: det er berre 8,5 veker til jul (!). Lov å begynna å gleda seg litt då! I går var snøen kome godt nedover fjellsida bak oss - heilt ned til Salen visst. Ja, ja, det vil sei at det nærmar seg vår og det :-)

Trygt og godt på eit bestemorsfang

Sjarmtrollet

I haustsola storesøster og lillesøster

Haustferie med sol, sand mellom tedn og maten servert!

Då har me kome tilbake til kvardagen, og ein flott haust her i landet og! Me har vore på vår første familietur til syden, og kosa oss med sol og sommar og late dagar. Bahia Felize, Gran Canaria, var staden! Sidan det ikkje er kvart lysår me er i sydlegare strok hdde me unna på oss all inclusive, og det var heilt supert. Med fare for å leggja seg utover...., vart det servert frukost, lunsj og middagsbuffet kvar dag, i tillegg til at snack baren var open mellom kvart hovudmåltid, med smørbrød, pizza, frukt, brus, is, frukt og kaffi! Jepp, me levde som grevar - og maten var god! 30 m frå leiligheita var det basseng for småttisar og større folk - 3 basseng. Der hadde me vanlegvis tilhldsstad når me ikkje var på ei eller anna utflukt. Jentene storkosa seg, og det gjorde dei vaksne og. Me reiste saman med søster R og Co, og det var veldig kjekt! I løpet av oppholdet fekk me med oss litt av kvart: lokal marknad i Puerto Rico, Dyrepark med delfinshow i Maspalomas, båttur langs kysten med glasbotn (litt skuffande storleik på den glasbotnen..., men, men, fin tur!). Stranda var me på og me var innom Sioux city og såg revolvarduell og knivkastande menn og can-can dansande damer ;-)

Thea Marie kosa seg ho òg, og det gikk over all forventning med den lange turen til og frå Gran Canaria (6-7 t i bil + 5,5 t i fly). Såå godt med lite klede og bare føtter og varme og sol! Det var litt vind heile tida, noko som gjorde temperaturen behageleg.

Absolutt ein fin-fin tur, og godt å koma heim att og - slik det skal vera, altså! Rykter seier at det er planar om familietur att utpå våren òg, så då er me i såfall klar att! Kjekt å farta litt innimellom :-) De må ha ei fin veka!

Ventetida på flyplassen før avreise var laaang...

Snart landing! Gran Canaria i sikte!

Ingvill med Thea Marie i barnebassenget

Shoppe-jenter

Me var på tivoli ein kveld

Rodeo

Strand-bading

Utsikt frå vår bakke-terrasse

Flinke delfinar takkar for seg :-))

Mor og datter (og far bak kamera) på strandpromenade

Jadda!

Ein liten pust i bakken

Cow girls

Kveldsstemning

Dette merkelege fenomenet såg me mange av i bakkane rundt om der me køyrde på Gran Canaria. Me spurde rundt omkring kva dette var, men fekk aldri noko godt svar..., så om nokon veit - gi gjerne ein lyd!

Haust og finevêr!

Iallefall i dag! Men for å oppsummera sidan sist: Søndag 8.sept. fortsette sosialiseringsprosessen ;-) med besøk på Sørheim. Kjekt med ein kaffikopp og prat på verandaen. Kristen og Thea Marie stulla på ute i finevêret, sjølv om Kristen helst hadde sett at han fekk vera med dei litt større ungane utanfor grinda, trur eg ;-)

Etterkvart kom Ingvill og Svein ned att frå ein lang og fin tur til fjells og. Til Dyrdalen var dei, og fiska hadde dei gjort òg - så det vart røykt fjellaure på skjeva til kvelds!

Sist måndag starta Ingvill på turn i Sogndal, så det blir visst det istadenfor dans dette semesteret iallefall. Spanande å prøva noko nytt! Eg jobbar vidare med kartlegginga for Lustramat innimellom amming, leik og bleieskift om dagane - og det går fint! Når mamma har gjort nok kontorjobb, seier Thea Marie ifrå om at no er det hennar tur, så den er grei!

Heidi er i gang igjen på ungdomsskulen, i 9 klasse(!), og det er stadig ting som skjer der òg. No på Fredag var dei på Nigardsbreen og gikk på bretur. 

Tre spreke klassevenninner!

Forrige helg var nesten heile familien på fjelltur til Nystølen - Thea Marie sin første! Eldste jenta var i bursdag, så ho vart "erstatta" med ei anna stor jenta som ville vera med! Bæremeis for første gong og det ga meirsmak det! Satsar på ein tur til før vinteren kjem, om veret held. 

"Best-stova" går det stadig framover med! Og no er det verkeleg flaumljos i andre sida av tunnellen :-)) Omn er komen på plass (og er fyrt i eitt par gonger alt), golvet er olja, lister og foringar er på plass - og måla/lakka. Så no er det golvlistene, elektrisk og møblar, så er me jammen i mål - HURRA! Og det blir bra, det er me alle einige om ;-)

Vesle Thea Marie gjer stadig nok nytt - og det nyaste er at ho sit sjølv, og reiser seg opp frå liggande til sittande sjølv! Er veldig stolt over bragden - det ser ein på heile ansiktet :-).

No er det måndag, eldstejenta og ei venninne er på loftet og har "avspasering" frå skulen. Thea Marie ligg og søv søtt i vogna ute (er ganske snørrete og forkjøla om dagen, men, men..) Etterpå skal me køyra mellomste jente på turn, og gjera litt erend i Sogndal bygdeby. Ha ei fin veke! (Og kryss for at sola skin som ho gjer no i mange dagar framover)! 

Haust og sosialisering igjen!

No er turistsesongen slutt for Urnes Gard sitt vedkommande i år. Det betyr at ein kan vera litt sosial att :-) Det kjennes i grunnen godt å kunne gjera ting som har lagt på vent heile sommaren, som å besøkja folk att, og ha besøk. Putla litt i huset, som slett ikkje har vore noko særleg "putla med" gjennom sommaren... I går var f.eks ein fin dag: Thea Marie var først på 7 mnd. kontroll saman med dei andre smårollingane og mammane i barselgruppa. Kjekt å møtast sånn innimellom - vert som ei lita baby-liv-boble, der det er det som er i fokus, og det er godt i ein elles hektisk kvardag:-) Dessutan greitt å høyra at kaoset kan herska hjå fleire i liknande situasjon, og at ikkje alt er berre reine skjære idyllen heile tida ;-) Etter kontroll vart det kafebesøk med Anne Helen og Alexander - veldig triveleg det òg! Og som om ikkje det var bra med sosialisering, så vart det jammen ein tur til Hildegunn på kaffi og vafler òg! Og dèt var lenge sidan det... Alt i alt ein veldig triveleg dag for meg og minsten. Denne helga er eg og den største og den minste jenta heime aleine. Naboane har reist til Bergen på den årlege "Bønder i by'n"og Svein og Ingvill har reist til fjells med Dag og Bente, og vert der til søndag! Då er planen at me heimeverande skal kosa oss godt med god mat og laurdagsTV. Fare for at TV programma er noko einsformige no i desse valkamp tider..., men då har me alltids eit par usette filmar me kan ty til! Victoria av Hamsun er på mi ønskjeliste, men det spørs om eg får gjennomslag for den av eldste frøkena... Tja, tja, de må ha ei riktig, retteleg fantastisk helg vidare folkens! Legg ved nokre bilete av eldre dato i dag for å minna meg (og dykk andre)på at dei var så søte og små ein gong dei to eldste og. Ja, søte er dei sjølvsagt enda!!! Men, litt større.

Ingvill med oldefar, som tykte ho var ei flott jenta! Han er dessverre ikkje her lenger..

To solstrålar!

Stolt storesøster

Ingvill, Heidi og Kristian (på Ingvill sin 1 års dag)

Skulestart og turistsesong på hell

No har kvardagen innhenta skuleungane/-ungdomen. Litt utfordrande å koma seg i seng til ei vetig tid, og like utfordrande å koma seg opp når klokka (eller ho mor) kling. Det tynkast og litt i turistrekkene etterkvart, og no har Kristin (som me leiger inn til kafedrift i høgsesongen) fått fri, så no er det underskrivne og lillesøster som trør til dei siste vekene. Men, det skal vera sagt, at den tidlegare så rolege vesle Thea Marie har no blitt meir aktiv og mobil, og ikkje minst vaken, så ho finn seg ikkje i å vera plassert i vogna bak disken med mor så veldig lenge i gongen ;-) Det må litt aktivisering til, og så hjelper det med "dikke-dikkande" besøk i kafeen! No i helga er det søskenbarntreff på låven, med middagsservering fredag og laurdag, og deretter byrjar det verkeleg å roa seg. Berre eitt cruise besøk att og ei veke til i kafeen, og så er det snart sydentur, og forhåpentleg ein fjelltur på meg og! Jau det vert saker! No for nett eit lysande cruiseskip forbi nede på fjorden - i mørket. Hausten er her, og kveldane er blitt mørkare. Då får me fram med stearinlys-behaldninga, og kveikja nokre lyspunkt her og der ;-) God helg!

Aktivisering på kafegolvet!

Dei søte små "revehalane" mine (som eigentleg skal vera ein del større - visst...?)

Svein har funne "gull" i grøne skogar

Ingvill var på tre dagars fotballskule før skulestart

Haustoppskrift nr.1: kantarell surra i godt smør, tilsett lauk og tilslutt rømme, salt og pepar. Mmmmmm

Over ein månad...

har gått, og me skriv august. No lyt eg kika i kalendaren min for å hugsa kva me har stulla på med sidan sist. Og, det er visst litt av kvart ser eg ;-) Me har vore på Ålesund-tur, heile familien. Der var det gledeleg gjensyn med mormor/oldemor Eva. Ho bur på aldersleilighet i byen, og den var så heimekoseleg og fin - kjekt å sjå. Elles fekk me med oss eit besøk på Aksla (eg, far og minstejenta - dei to eldste hadde filmkveld med Amanda og Co hjå tante Unni til langt på kveld!) Heidi fekk med seg ein Ålesund kamp "live", saman med Amanda og grandtantene, som dei tapte...... Resten av familien var på Atlanterhavsakvariet medan dei andre var på kamp, og det var og ei flott oppleving! Me prøvde fiskelukka (utan så stort hell..) og me grilla og kosa oss. Vel heimkomne var det olsokfeiring her og der. Først var me på Kveken på tradisjonell feiring der med spekemat og godt tilbehøyr, så bar det i vegen til Sørheim og tradisjonell feiring der! Hestesko kasting og godt å eta og drikka - så det sto ikkje på oss den dagen :-) Ingvill har feira 10-års dag, og hatt overnattingsparty med ein jentegjeng nokre dagar seinare! Tenk at vesle Ingvill er 10 år!! Og: vesle Thea Marie har fått 4 tenner!! To oppe og to nede. Det har gått nesten smertefritt for seg, berre litt sutring og snørr nokre dagar før dei har synt seg som perler på snor. Ho er òg vorte veldig så mobil vetle frøkena. Ho rullar og skubbar seg over heile golvet, på jakt etter noko å utforska. Det er, og har vore, travle tider på Urnes Gard! Og, det er jo bra :-)) Må likevel innrømma at det vert godt med haust, og litt rolegare tider snart... Då skal eg gjera mykje kjekt då! Ta att det som er forsømt, som å vera litt meir sosial, arbeida litt med andre ting som ligg på vent, ++ Den 4.august var ein dag me var spente på, for då skulle me få besøk av ein VIP person på garden. Me rydda og reidde til, og grugleda oss til dette, og me undra på kven det kunne vera (for me fekk ikkje vita det av sikkerheitsmessige årsakar). Men, dagen kom og i e-post mappa låg det ei melding om at gjesten hadde avbrutt norgesbesøket - og ikkje kom på besøk likevel... Litt skuffa, må me innrømma. Og, mediene ville ha det til at Bill Gates var i Norge på ferie......, ein del ting som stemde med at han var den hemmelege gjesten, men dette fekk me aldri stadfesta...Ja, ja, så vart det ein "festkveld" i lavvoen på hjortefarmen på oss istadenfor. For maten måtte jo fortærast av "inkon", så då kunne det jo like godt vera  oss som kosa oss med den ;-) Fari huset hadde stor dag her om dagen, og feira med ein fjelltur med bror, svigerinne og Ingvill. Då dei kom ned att på sjølve dagen vart det grilling saman med naboane over, og korsang med "happy birthday" frå bærplukkarane så det ljoma mellom  veggane! Det var stasleg! No nærmar det seg skulestart, og me må vel snart prøva å snu døgnet på eit par jenter... Det vert no på ein måte litt godt å "koma i gjenge" att og. Og så har me jo syden-ferie å sjå fram til snart! Det er godt å ha i tankane, når mørket og etterkvart kulda  kjem snikande på.

Kvild i ei seng i eit sel på Kveken

 

Svein i hestesko-aksjon

(fekk ikkje til å snu dette), men det er frå olsok grilling på Sørheim

Thea Marie si første olsok-feiring

Ingvill prøver fiskelukka på Voldsdalsberga ved Ålesund

Like utanfor Atlanterhavsparken

Dykkaren omgitt av stor fisk fasinerte liten og stor!

På by'n med grandtanter og Amanda

Utsikt over Åle-byen frå Aksla

Ingvill feira 10 årsdagen i den uferdige, men du så praktiske nye-stova (stor og tom), då veranda planane gikk dukken p.g.a. regn...

VIP grilling i lavvoen ;-)

Mmmmmm....

 

40 års jubilanten med minste håpefulle i fanget!