Snart ein månad....

har gått sidan minste søster kom til verda. Det er som eg frykta: tida fyk avgarde, men det skal eg prøva å ikkje tenkja meir på : ) No er det vinterferie for storesøstrene, og i morgon vert det ein Sogndals tur på damene ihuset. Far lyt på arbeid. Eg må seia at det er veldig greit med permisjonstid og babyliv så langt. Det er ei grei tulle å ha med å gjera. Eg les bøker, skriv prosjektsøknader, bakar litt kaker til årets turistsesong og funderer på neste strikkeprosjekt. Jentene tykkjer visst det er heilt greit med ei heimeverande mamma og no. Litt rolegare morgonstunder er ikkje å forakta. Har hatt mykje koseleg besøk siste vekene, og vesle Thea Marie har fått såå mykje fint! Bleiekaka under er ei av gåvene - kreativ!

Ein liten kar helsar på ei lita jente

Bleiekake frå Henning og Co!

Søstre og søskenbarn stiller opp til teneste ved stellebordet!

Ei heldig mamma!

Ja det er eg verkeleg! Eg har tre flotte jenter og ein kjekk og god far til dei. Han overraska meg igår med sjølvlaga marsipankake og tulipanar! Innimellom kjem det over meg, sikkert ispedd ein del ekstra hormon, men likevel: kor heldige me er som har tre fine, friske jenter. Det er inga sjølfølge eller noko ein bør ta for gitt. Me må ta vare på kvarandre og nyta tida som best me kan medan me kan! Veit det kan høyrast litt vel "klisje" og hormonelt ut ("ho sit der vel i ammetåka med tårene silande...", men jammen er det heilt sant : ). Iallefall: eg er verdas heldigaste mamma, berre sjå kor stas dei gjorde på meg med blomar og kake (og så er det noko tisking og hvisking og formaning om at eg må liggja litt lenger i senga i morgon tidleg....).

Dei siste par vekene har me hatt mykje kjekt besøk: onklar og tanter, slekt og vener som vil helsa på det nye familiemedlemmet. Å så mykje fint vesle jenta har fått! Det skal ikkje stå på garderoben framover! I morgon vert det ut på tur og litt grilling er planen. Om berre gradestokken ikkje kryp for langt ned under 0 då... Men sola skin om dagen, så det blir nok bra!

Klar til heimreise frå sjukehuset i Førde

Trilletur i soooolskin!

Hormonell mor...med ei kyr på hovudet

Bakarar i aksjon

Hurra for mor på morsdagen!!

Kom deg ut-dagen!

I går var det "kom deg ut dagen", og då var det sjølvsagt berre å komma seg ut! Dette vart andre trilleturen til vesle Thea Marie, og ho lika seg tilsynelatande godt ute i frisk luft, heldigvis. Ute på markene har dei fått opp eit lite skitrekk, til stor glede for dei yngste (og nokre av dei eldre òg, forresten ; ). Det vart testa ut for første gong på laurdag, og i går var det full fart i løypa. Det var akebrett som galt i går, og etterpå var det grilling av pølser, kake og kaffi. Og innimellom litt trilling. Kjekk kom deg ut dag - godt med litt frisk vinterluft!

VENTETIDA ER OVER!!

Og, me har fått heim verdas beste vesle-søster. Ho vart fødd den 23.januar! 51 cm lang og 3380 g tung - og heilt nydeleg! Som de kan rekna ut i frå forrige innlegg, var eg i Førde i 11 dgr. før vesla kom, og då med litt starthjelp. Desse dagane gikk med til strikking, lesa blad og bøker, sjå på TV og få besøk av dei beste: sambo og jentene mine. Dei kom på fleire besøk medan eg var i Førde og ruga. Det gikk kjempefint! Som med dei to forrige er ein jo like overraska over at det går an å overleva noko slikt...., men du verden kor fort ein gløymer det når vinsten vert lagt på magen din like etterpå! Far kom opp kvelden før, og stod last og brast med meg gjennom dagen. Dagen etter at vetle-jenta kom til verda, kom to spente storesøstre på besøk. Dei vart skyssa av tante Randi og søskenbarna: Eirill og Ylva. Det var to stolte storesøstre som helsa på vesle-søstra si for første gong!

Etter tre dagar kom far og søstre att og henta oss heim - ååå det var godt å koma heim att! Og så fint dei hadde rydda og ordna til me kom att! Vesle-syster har òg fått namn: Thea Marie heiter ho, og er snill og grei, og kjempesøt! No er planen å kosa seg glugg med ho og resten av familien, å nyta tida framover. For, denne tida får me ikkje att, og den går fort.

Innlosjert

Så var eg innlosjert i Førde, i "påvente" av fødsel. Betryggande med tanke på at det forrige gang gikk ganske fort, og at det er januar og vintervegar og langt frå Ornes til Førde, ja. Men, der var ikkje spesielt kjekt å vinka hade til sambuar og minstejenta som køyrde meg opp i dag... Hormonane gallopperte ei stund då ja, etter at eg var kome på rommet mitt. Me får tru den vetle i magen vil koma ut til oss fort!! Så me får koma heim til resten av gjengen. Enn så lenge vert det bøker , strikketøy, blad, masse telefonar og meldingar, og kanskje litt besøk? So long!

Ventetid

I går var me på sjekk i Førde, etter at jordmor mistenkte tverrleie på mini magen på fredag. Men, i går såg det ut til at han/ho låg rett veg, så det var bra! Skal ein tur att fredag og. Greit med litt ekstra oppfølging så ein slepp å bekymra seg unødig. Betryggande å få vita at alt er i orden, når det er ganske lang veg til sjukehuset, og spesielt på vintervegar.... Så då går me her og vaggar og ventar i spenning. Vaskar litt klede, ser litt i aviser, lagar litt mat og slappar av.

Nyttårsfeiring,... og tilbake til kvardagen!

Nyttårskvelden var me hjå søster Randi og familien på nydeleg kalkunmiddag. Litt stjerneskot måtte me ut å tenna med visse mellomrom for å halda oss vakne. Ei snølykt vart det òg! Alle mann heldt seg vakne til "the big bang" kl. 00., og veret letta såpass at me såg godt over til Solvorn, Hafslo og Mollandsmarki sine rakettar òg!

 

Nyttårssveisen!





 

Så var det "pakkeleiken" ein ettermiddag. Truleg ein dansk tradisjon, sidan det er Marta som innførte den her for nokre år sidan ; ) Det er nesten som julafta om att i miniatyr: alle som er med tek med eit avtalt antal innpakka gåver (ikkje store og dyre!). Så triller alle rundt bordet ein terning, og dersom du får 6-ar får du velja ein pakke. Når alle pakkane er tatt, går trillinga av terningen på tid. I løpet av 10 min. kan du rappa pakkar frå andre dersom du får 6-ar når det er din tur. Det enda heldigvis med ein ganske bra fordeling på ant. pakkar pr.pers. Litt for ein kvar smak var det òg: frå opptrekkbar marihøne til godteri BH!!

Så vart det kvardag att,  og skulestart. Eg tok ein tur og fekk svineinfluensavaksine hin dagen, sidan det er tilrådd folk i "min tilstand" desse dagar, når så mange er influensasjuke. No er det atter helg, og i dag, laurdag, har me rydda vekk jula. No er me klar for eit nytt år! Måndag vert det tur til Førde og kontroll av mini i magen. Det nærmar seg med stormskritt, og me er spente og gledar oss til å helsa på veslesøster/-bror! (Fekk ikkje leggja inn bilete i dag - teknisk problem - men skal prøva att!)